Një aksident rrugor ka ndodhur gjatë orëve të para të ditës së sotme në aksin rrugor Elbasan-Përrenjas, ku një autobot është batuar në anë të rrugës, duke rrezikuar kështu jetën e shoferit.
Ende nuk dihet nëse ka të plagosur, po nga pamjet, vihet re se rruga është çarë dhe si pasojë autoboti është ‘përpirë’. Ai është përplasur me trasenë ndarëse dhe ndërsa rruga ka rrëshqitur, e ka marrë me vete kabinën e autobotit, ndërsa pjesa e kontejnerit ka ngelur në ajër.
Qarkullimi është bllokuar deri në ndërhyrjen e policisë, e cila vijon punën për zbardhjen e plotë të shkaqeve.
