Kryeministri Edi Rama në një konferencë për shtyp me fokus infrastrukturën, bëri një pasqyrë të gjendjes aktuale në portet dhe aeroportet në vend.
Duke u ndalur te aeroporti i Kukësit, Rama tha se po punohet intensivisht që të mbyllet e të fillojë nga puna sa më shpejt.
“Aeroporti i Kukësit operacional do të jetë funksional në pranverë, do përzgjidhen ato që kanë sharë dhe kanë përqeshur aeroportin e Kukësit. I ftoj të shajnë sa më intensivisht dhe të tallen.
Kush do shajë më shumë do presin biletë dhe do të vijnë me avion të ulen në Kukës. Ky është një objektiv që shpresoj ta realizoj”, tha Rama.
