Janë zhvilluar tetë ndeshjet e para të sezonit të ri të Ligës së Kampionëve.
Dy takime janë luajtur në orën 18:55, teksa Juventusi fitoi në transfertë 0-2 ndaj Dinamo Kiev, ndërsa Club Brugge mposhti në Rusi, Zenitin me rezultatin 1-2.
Barcelona e cila bën pjesë në Grupin G së bashku me Juventusin, zbriti në fushë në orën 21:00. Katalanasit mposhtën 5-1 skuadrën e Ferencvaros, duke marrë kryesimin e grupit falë diferencës së golave.
Ndeshja kryesore e mbrëmjes ishte ajo mes PSG-së dhe Man.United. Skuadra angleze arriti të fitonte falë një goli në minutat e fundit nga Marcus Rashford. Skuadrat bëjnë pjesë në Grupin H, grup që kryesohet nga Leipzig, pasi gjermanët mposhtën 2-0 skuadrën e Basaksehir.
Në Grupin F, një fitore të rëndësishme ka marrë Lazio. Skuadra italiane mundi në shtëpi 3-1 Borussian e Dortmundit, duke ka marrë kryesimin e grupit përpara Clubb Brugge.
Në Grupin E janë regjistruar dy barazime. Chelsea dhe Sevilla e mbyllën takimin e tyre pa gola të shënuar ndërsa Rennes- Krasnodar përfundoi në barazim 1-1.
Rezultatet e mbrëmjes:
Ora: 18:55
Dyn. Kyiv-Juventus 0 – 2
Zenit-Club Brugge KV 1 – 2
Ora 21:00
Barcelona-Ferencvaros 5 – 1
Chelsea-Sevilla 0 – 0
Lazio Dortmund 3 – 1
Paris SG Manchester Utd 1 – 2
RB Leipzig-Basaksehir 2 – 0
Rennes-Krasnodar 1 – 1
