Çështja e kufirit detar me Greqinë do të shkojë në Gjykatën e Hagës, marrëveshje kjo e arritur sot mes dy vendeve.
I ftuar në emisionin “Open”, analisti Agron Gjekmarkaj, tha se megjithatë, kryeministri nuk ka asnjë plan për të paraqitur atje.
Sipas tij Shqipëria është 8 vite me vonesë për të zgjidhur këtë çështje, ndërsa shtoi se takimi i sotëm ishte sukses për Greqinë dhe zgjidhje e detyruar për Shqipërinë.
“Ne nuk kemi një plan, kryeministri nuk ka asgjë për të paraqitur, nuk ka një plan marrëveshje. Sot mund të thuash që kjo vizitë sot është një sukses për Greqinë dhe zgjidhje e detyruar për Shqipërinë.
Shqipëria është 8 vite me vonesë, mund të ishte zgjidhur pa shkuar në Hagë. Ky e çon në Gjykatë Ndërkombëtare si instancë të fundit, për t’u dukur si lideri i problemeve zero”, tha Gjekmarkaj.
