Erion Dasho, ekspert i shëndetit publik, përmes një postimi në rrjetet sociale, ka paralajmëruar se sistemi shëndetësor shqiptar, mund të shkojë në kolaps të plotë brenda pak javësh nëse nuk merren masa urgjente.
Dasho shkruan se nuk është punë maskash, por duhet të zbatohet urgjentisht trinomi: testo-gjurmo-trajto.
“Pas një stabilizimi në dukje gjatë periudhës gusht-shtator, përhapja e COVID gjatë muajit tetor paraqet një rritje të rrezikshme. Me një mesatare ditore pre 180 rastesh (237 gjatë javës që kaloi), situata kërkon vëmendje emergjente.
Në se nuk merren masa të menjëhershme dhe kjo tendencë vazhdon, brenda pak javëve do të tejkalohet mundësia e përgjigjes së sistemit shëndetësor.
Nuk është punë maskash! Duhet nisur urgjentisht nga zbatimi i trinomit testo-gjurmo-trajto!”, shkruan Dasho, ndërsa publikon grafikun e mëposhtëm.
