Arbitri kosovar me pasaportë zvicerane, Bekim Zogaj, do të jetë në stadiumin e madh “Camp Nou” ditën e martë, teksa do të vendosë drejtësi në ndeshjen mes Barcelonës dhe Ferencarosos.
Zogaj, i cili gjykon në kampionatin zviceran, është zgjedhur nga UEFA, si një nga anësorët e gjyqtarit kryesor Sander Sharër për ndeshjen e Ligës së Kampioneve.
Kjo do të jetë hera e parë që një gjyqtar shqiptar do të ndajë drejtësinë në grupet e Ligës së Kampioneve.
Gjithashtu ndeshja e së martë do të jetë e veçantë edhe për sulmuesin e Kombëtares, Myrto Uzuni, pasi do të përballet me një skuadër si Barcelona dhe një lojtar të madh si Mesi.
