Një dokument që urdhëron mbylljen e shkollave nga ministrja e Shëndetësisë duke filluar nga data 2 Nëntor, është publikuar nga gazetari Basir Çollaku.
Dokumenti thotë se më 15 Tetor, Komiteti i Ekspertëve vendosi mbylljen e shkollave për një periudhë 3-mujore, duke filluar nga 2 Nëntori, me qëllim parandalimin e përhapjes së koronavirusit.
Gazetari saktëson se ky dokument nuk ka firmë as vulë dhe nuk është zyrtar.
“Pra nuk është i vërtetë dhe nuk ka ndodhur. Pyetja është: A është duke u projektuar”, shton ai.
Kujtojmë se të Enjten hyri në fuqi Akti Normativ që detyron mbajtjen e maskës me vete në çdo ambient jashtë shtëpisë. Ndërkohë, javën e kaluar, kryeministri Edi Rama shprehu qëndrimin e ndryshuar lidhur me një mbyllje të mundshme të vendit, duke mos e përjashtuar si mundësi.
