Një konflikt mes dy të rinjve në Lezhë ka përfunduar me plagosjen e njërit prej tyre dhe arrestimin e tjetrit.
Policia njoftoi se specialistët për Hetimin dhe Parandalimin e Krimit në Komisariatin e Policisë Lezhë arrestuan në flagrancë shtetasin F.P., 30 vjeç, banues në Balldre, Lezhë.
Ky shtetas, në fshatin Balldre, Lezhë, pas një konflikti të çastit ka goditur me sende të forta duke i shkaktuar dëmtime shtetasin J.P.,26 vjeç, banues në Balldre, Lezhë, shtuan të njëjtat burime.
Ndaj 30-vjeccarit është ngritur akuza për veprën penale “Plagosje e rëndë me dashje”.
