Cristiano Ronaldo do të humbasë tre ndeshjet e radhës të Juventusit, atë me me Crotonen, ndeshjen e Championsit kundër Dinamos së Kievit dhe takimin e radhës në Serinë A me Veronën.
Por ajo që është në pikëpyetje të madhe është nëse do të jetë ai gati për duelin e parë kundër Lionel Messit.
Përgjigjja nuk dihet, ndonëse të gjithë te Juventusi, nga skuadra e deri te tifozët, e shpresojnë këtë. Ndeshja me Barçën, në Champions, është në program më datë 28 tetor, por që të jetë i grumbullueshëm nga trajneri Pirlo, protokolli i UEFA-s nënvizon:
“Një futbollist mund të luajë për skuadrën e tij, në rast infektimi, vetëm nëse rezulton negativ një javë përpara zhvillimit të takimit”.
Kjo do të thotë se Ronaldo duhet ta mposhtë coronavirusin brenda datës 21 tetor.
