Ministrja e Shtetit, Elisa Spiropali ka shpërthyer në gjuhe urrejtjeje në emisionin ‘Opinion’ jo vetëm ndaj Ilir Metës, por edhe ndaj atyre që kanë dhënë jetën për Shqipërinë, vetëm pse janë dekoruar nga Presidenti i Republikës.
Spiropali tha se meta duket sot si ‘Gjenerali i Ushtrisë së Vdekur’ që po jep dekorata për të vdekurit për të marrë vota me kocka.
Është dashur ndërhyrja e Fevziut dhe të ftuarve në emision, që Spiropali të ndalte vrullin e saj për të fyer dhe poshtëruar edhe të vdekurit.
Pjesë nga debati:
Spiropali: Presidenti i republikës mendon duke ju dhënë dekorata atyre që kanë vdekur para 100 vitesh, apo duke ngritur nga varri çështje të tilla. I shpërndan si dekorata për vota, është bërë si gjenerali i ‘ushtrisë së vdekur’ dhe kërkon që votat t’i marrë si kocka.
Fevziu: Jo ashtu Elisa, ata gjithsesi kanë dhënë jetën për Shqipërinë.
Haxhiu: Elisa je gabim, jo me atë gjuhë…
Shkullaku: Jo, ata kanë dhënë jetën për vendin sido që të jetë…
