Instituti Kombëtar i Shëndetësisë Publike në Kosovë ka raportuar të mërkurën 49 raste të reja me koronavirus, nga 509 tamponë të kryer.
Sipas këtij Instituti, përgjatë 24 orëve të fundit janë regjistruar tri viktima, duke e çuar në 638 numrin total të të vdekurve me koronavirus në Kosovë.
Autoritetet shëndetësore kanë raportuar më 7 tetor për 92 persona që kanë mposhtur virusin, derisa raste aktive janë edhe 1,157.
Prej raportimit të rasteve të para me koronavirus në Kosovë, më 13 mars, IKSHPK-ja ka raportuar për 15,938 të prekur me COVID-19.
