Presidenti i Barcelonës, Josep Maria Bartomeu, është shumë pranë largimit nga drejtimi i Barcelonës.
Sipas raportimeve në Spanjë, ai tashmë do të përballet me votat e mosbesuesve. Të gjitha firmat janë mbledhur nga një grup i quajtur “Mes que una moco” (Ne jemi më shumë se një lëvizje), e cila arriti të mblidhte plot 20.687 firma.
Që Bartomeu të largohej duhej të mblidheshin 16.250 firma, pra shifra është kaluar dhe të gjitha firmat janë verifikuar ditën e sotme.
Tashmë pritet të mbahet një referendum në 20 ditët e ardhshme për të vendosur nëse spanjolli duhet të dorëhiqet nga pozicioni i tij apo jo. Mesa duket tifozët nuk e dëshirojnë më atë në krye të ekipit të tyre dhe kjo ka ardhur si pasojë e humbjes 8-2 në Champions me Bayern Munchen si dhe nga situata e krijuar me Leo Messin këtë verë.
