Aktivisti Pano Soko i ka drejtuar një thirrje prokurorisë që të hetojë mënyrën sesi prishen kontratat mes Qeverisë dhe kompanive të ndryshme, që më pas shkohet në Arbitrazh.
“Janë skema shumë të rrezikshme, ndaj duhen hetuar nga SPAK, nga prokuroritë e rretheve ose ajo e Përgjithshme, kushdo që ta ketë detyrim ligjor.
Duhen hetuar pasi skema të tilla mund të çojnë në kolapsim, në falimentim të shtetit. Në vendet e Amerikës Latine është bërë cirk me skema të tilla”, tha Soko në emisionin Tempora.
Sipas tij, duhen hetuar deri në fund mënyrat si lidhen dhe si më pas zgjidhen këto kontrata në mënyrë të njëanshme nga shteti.
