Kryetari i Bashkisë Tiranë Erion Veliaj mashtroi në studion e Open kur tha se ish- gjyqtari Gjin Gjoni është kandiduar nga Partia Demokratike në Lezhë.
Deklarata e tij kundër Gjin Gjonit u bë pikërisht në momentin kur u pyet për rezultatet negative të publikuara nga raporti i Departamentit Amerikan të Shtetit për klimën e biznesit.
Raporti i DASH e percepton shqipërinë si të vështirë për të bërë biznes dhe Veliaj thotë se e njeh shumë mirë raportin dhe kjo gjë e shqetëson shumë.
Por vetëm kaq. Për Veliajn fajin për përkeqësimin e klimës së biznesit në Shqipëri e ka Gjin Gjoni dhe sipas tij kjo e ka shqetësuar shumë SHBA-në që ka hartuar edh enjë raport. Erion Veliaj deklaroi se familja e Gjin Gjonit ka një biznes në Rinas dhe ka bllokuar një kompani. Ndërsa pranon se e ka fituar me gjyq, Veliaj thotë se kjo gjë ka zemëruar SHBA-në. Më tej Veliaj tha se Gjin Gjoni është pranë PD-së e cila e ka kandiduar në Lezhë. Por në fakt emri i Gjin Gjonit nuk gjendet në listën e Lezhës.
