Edi Paloka, nënkryetar i PD, ka reaguar ashpër me një postim në rrjetet sociale ndaj asaj që quhet si “opozita” parlamentare, të cilën e akuzon se po mban me frymëmarrje artificiale Edi Ramën.
Paloka shkruan se asnjë nga ata që kane hyrë në atë Parlament me votat e opozitës se nesër do të harrohen.
“Ata, duke shkelur mbi besimin dhe interesat jetike të shqiptarëve, po mbajnë me frymëmarrje artificiale qënien me të urryer, të keqen më të madhe që ju ka rënë shqiptarëve !
Po të jene të bindur që nuk do të kenë mundësinë të zhduken neser si hije, pa mbajtur përgjegjësi…Ndëshkim do ketë dhe për shërbëtorët!”, shkruan Paloka.
Mesazhi i nënkryetarit demokrat vjen pak momente para se Kuvendi të nisë seancën parlamentare ku një nga pikat e rendit të ditës është votimi i ndryshimeve në Kodin Zgjedhor. Pa votat e “opozitës parlamentare”, Kryeministri Edi Rama nuk mund të miratojë ndryshimet e njëanshme, që ndalojnë koalicionet parazgjedhore.
Postimi nga Edi Paloka
Jam marrë me Ramën deri tani dhe me të drejte, ai është e keqja e këtij vendi.
Po mos mendojë asnjë nga ata që kane hyrë në atë Parlament me votat e opozitës se nesër do të harrohen!
Ata, duke shkelur mbi besimin dhe interesat jetike të shqiptarëve, po mbajnë me frymëmarrje artificiale qënien me të urryer, të keqen më të madhe që ju ka rënë shqiptarëve !
Po të jene të bindur që nuk do të kenë mundësinë të zhduken neser si hije, pa mbajtur përgjegjësi…Ndëshkim do ketë dhe për shërbëtorët!
