Një sherr mes të rinjve në Elbasan është shënuar pak minuta më parë në lagjen ‘Haxhias’. Mësohet se nga ky sherr ka edhe të plagosur. Raportohet se nga sherri mes të rinjve kanë mbetur të lënduar dy prej tyre.
Nga përplasja mes tyre dhe goditjet me sende të forta janë thyer edhe xhamat e një makine. Policia ka vajtur në vendin e ngjarjes.
Informacion paraprak
Në lagjen “Haxhias”, Elbasan, në ambientet e brendshme të një lokali në rrethana ende të paqarta janë goditur me mjete të forta shtetasit E.B., 24 vjeç, dhe E.B., 21 vjeç, banues në Elbasan, të cilët janë transportuar në Spitalin Rajonal Elbasan, për ndihmë mjeksore.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Nga veprimet e shpejta është bërë e mundur identifikimi i autorëve ku vijon puna për kapjen e tyre.
