Të paraburgosurit në burgun e Shënkollit, prej 3 ditësh kanë refuzuar ushqimit, duke iu bashkuar në këtë mënyrë grevës së urisë së të dënuarve në burgun e Peqinit.
Ata kanë kërkuar që të lejohen takimet me avokatët dhe familjarët ndërsa kërkojnë që gjykimet të mos-zvarriten. Kujtojmë se të dënuarit në Peqin disa ditë më parë u futën në grevë urie.
Më 28 shtator në një letër drejtuar Kuvendit të Shqipërisë, Presidentit të Republikës, Kryeministrit të Shqipërisë dhe ministrisë së Drejtësisë, të burgosurit e Peqinit kërkuan amnisti të përgjithshme për të gjithë, përgjysmim të dënimeve dhe dënimet me burg të përjetshëm të ulen në 20 vite.
