Dy zyrtarë policie janë pezulluar nga detyra pas zbulimit nga ajri me helikopter të 10 mijë rrënjë kanabis në Vlorë.
Zyrtarët e pezulluar janë shefi i Komisariatit të Vlorës Edmond Pjetri dhe ai i Himarës Arjan Tase.
Shkak për pezullimin e tyre dyshohet të jetë bërë fakti se nuk kanë raportuar për parcelat ku kultivohej kanabisi, të cilat u zbuluan pas kontrolleve nga ajri me helikopter.
Bashkë me ta u pezulluan edhe 4 punonjës të tjerë policie, inspektorë në qarkun e Vlorës, si dhe u dha vërejtje për 16 të tjerë.
