Policia serbe ka arrestuar autorin e vrasjes së biznesmenit nga Prishtina Selajtin Janjeva dy net më parë në Novi Pazar.
Gazeta serbe, Kurir, raporton se i arrestuari është një 39-vjeçar, ndërsa në pranga ka rënë edhe një 52-vjeçar, si person që ka ndihmuar në vrasjen e biznesmenit nga Kosova.
Ai akuzohet se ka ndihmuar autorin të largohej nga vendi i ngjarjes.
Si ndodhi vrasja
Anëtarët e Familjes Janjeva, të cilët humbën biznesmenin Selatin Janjeva, njëkohësisht Presidenti i “Selo Tours”, kanë hedhur dritë mbi ngjarjen e rëndë. Në një prononcim për mediat e Kosovës, një prej familjarëve, ka rrëfyer arsyet e udhëtimit të biznesmenit drejt Serbisë dhe sherrin që solli vdekjen.
Sipas familjarit, emri i të cilit nuk bëhet me dije, Janjeva kishte shkuar në Novi Pazar, ku dhe po ndiqte procesin e divorcit nga e shoqja, e cila nuk ka nënështetësi shqiptare dhe jeton në Serbi. Sapo ka mbaruar gjyqin, Janjeva ka shkuar në Novi Pazar, në banesën ku e shoqja, me të cilën ka dhe dy fëmijë, jeton prej vitesh.
Aty, sipas dëshmitarit, biznesmeni është përplasur me një prej familjarëve të gruas së tij, konkretisht, burrin e motrës së saj. Pas shkëmbimit të fjalëve, si biznesmeni ashtu edhe kunati i tij, kanë nxjerrë armët duke qëlluar njëri-tjetrin. Për pasojë, Janjeva vdiq në vend, kurse personi tjetër u dërgua në spital. 24 orë më vonë, edhe ai ndërroi jetë.
