Komisioni parlamentar i Ligjeve ka miratuar formulën e re, të propozuar nga socialistët, për hapjen e listave me një renditje të diktuar nga kryetari i partisë.
Pra me pak fjalë, i gjithë debati mbi hapjen e listave, ishte thjesht një propogandë e Rilindjes, e cila duke shfrytëzuar edhe votat e asaj që njihet si opozita parlamentare, arriti të ndryshojë Kushtetutën, duke bllokuar edhe koalicionet parazgjedhore, sipas formulës së deritanishme.
Referuar dokumentit të miratuar nga Ligjet, vetëm kandidati që merr 10 mijë vota mund të prishë renditjen e kryetarit dhe të bëhet deputet. Propozimi i Damian Gjiknurit u votua nga vetë socialistët dhe dy deputetët, Adiola Braha dhe Nimet Musai.
Ligjet miratuan edhe në tërësi ndryshimin e Kodit Zgjedhor pa dakordësinë e PD dhe LSI dhe me një pjesë të votave të opozitës parlamentare, me 11 vota pro, asnjë kundër dhe asnjë abstenim.
