Komisioni i Jashtëm i Vlerësimit njoftoi këtë të Premte vendimin për shkarkimin nga detyra të Arben Frashërit.
Frashëri, me funksion Drejtor i Drejtorisë Rajonale Fier – Berat, SHÇBA, u shkarkua pasi KJV gjeti problemeve në justifikimin e pasurisë së tij.
Trupa gjykuese përbehej nga Artur Baku, Mirela Ujkani (Miti), Alban Laska.
Frashëri ishte në listën me emrat e 45 drejtuesve të lartë të Policisë së Shtetit, SHÇBA-së dhe Gardës së Republikës, që u shortuan të parët për të kaluar në vetting.
Ky është subjekti i tretë i cili shkarkohet nga Vetingu. Më herët KJV ka shkarkuar nga detyra Oltion Shehun, shefi i sektorit të ankesave në SHÇBA dhe Edmond Papa, shef sektori i Sigurisë së Personelit, Drejtoria e Analizës dhe Kartotekës në SHÇBA. Deri tani, 21 drejtues të lartë janë konfirmuar në detyrë.
