Ministri i brendshëm foli edhe për deklaratat kontradiktore të tij së fundmi nëse do të qëndroj apo do të largohet nga politika dhe nga drejtimi i Ministrisë së Brendshme. Ai tha se sulmet i sheh me qesëndi, pasi shtoi se nuk ndjen asnjë lloj trishtimi nëse do të largohet nga karrigia. Ai tha se është ngritur një zhurmë pa bazë, trishtime, haluçilacione.
Më pyetën. A është e sigurt që do të jeni ministër?
Pyetja ishte fatale për atë që e bëri. Mund të jetë dëshira e dikujt tjetër që unë të largohem. Për sa kohë është në vullnetin tim do të jem ministër i brendshëm. Sot drejtoj një ministri me tregues shumë pozitiv. Nuk shoh asnjë motiv për ta konsideruar këtë çështje. Kjo situatë po më jep argëtim.
