Ministria e Mbrojtjes së Armenisë njoftoi se sot ushtria e Nago-Karabakut rrëzoi një aeroplan dhe një helikopter të Azerbajxhanit. Sipas mediave të huaja menjëherë pas kësaj, u raportua se edhe dy avionë të tjerë u rrëzuan.
Kjo do të thotë që tre aeroplanë u rrëzuan sot. Për më tepër, dy helikopterë dhe gjashtë dronë u shkatërruan brenda ditës, tha zëdhënësi i Ministrisë së Mbrojtjes së Armenisë Artsrun Hovanisyan.
Forcat e Nago-Karabakut rrëzuan një aeroplan dhe një helikopter në jug dhe juglindje të vendit, shkroi nga ana tjetër zëdhënësja e Ministrisë Susan Stepanjan në profilin e saj në Facebook.
Ndërkohë disa orë më parë, Ministria e Mbrojtjes së Armenisë tha se 15 automjete u shkatërruan dhe një sistem raketash BM-30 Smerch dhe gjashtë dronë u rrëzuan.
