Presidenti kinez, Xi Jinping i ka kërkuar ushtrisë për të forcuar aftësitë luftarake dhe gatishmërinë për të luftuar, teksa ligji i ri i mbrojtjes që zgjeron fuqitë e forcave të armatosura hyri në fuqi këtë vit.
Xi, i cili kryeson gjithashtu Partinë Komuniste Kineze, ka urdhëruar Ushtrinë Çlirimtare të Popullit që të jetë gati për të vepruar në çdo sekondë, shkruan The Times of India.
Ky urdhër i presidentit kinez, vjen pas problemeve të shkaktuara me Indinë dhe Tajvanin vitin e kaluar. “Komandantët dhe ushtarët duhet që të kenë shpirtin e luftimit pa frikën e vështirësive apo frikën e vdekjes”, thuhet në urdhërin e lëshuar.
Presidenti kinez kërkoi gjithashtu forcimin e paisjeve luftarake si dhe shtimin e metodave të reja teknologjike gjatë oferacioneve luftarake.
Që kur mori postin e presidentit në fund të vitit 2012, Xi Jinping ka kërkuar disa herë nga ushtria që të përgatitet për luftë.
