Një hulumtim i ri ka zbuluar se njerëzit që vuajnë nga sëmundje të tjera, si dhe të moshuarit, mund të përjetojnë delir ose konfuzion nese preken nga Covid-19.
Shkencëtarët nuk e dinë akoma arsyen përse personat mbi 65 vjeç nëse infektohen, gjë që shkakton ulje të imunitetit, kanë më shumë gjasa të kenë këtë simptomë, raporton BBC.
Por ata po paralajmërojnë mjekët që të shikojnë për shenja konfuzioni, përgjumje ose sjellje të çuditshme në këtë grupmoshë sepse mund të jetë një shenjë e hershme e Covid-19.
Në studimin e 800 njerëzve, një në pesë pacientë në spital me Covid kishte delirin si simptomën e tyre të vetme.
