Gjatë transmetimit të Big Brother Vip 2020, Elisabetta Gregoraci, ish-gruaja e Flavio Briatorit ka folur për kushtet e rënda të Michael Schumacherit.
Gregoraci është shprehur se ish-shoferi i Formula 1 nuk flet dot, komunikon vetëm me anë të një komunikuesi okular, që aktivizohet me një levizje të vetëm të pupilës së syrit. Por jo vetëm kaq ajo tregoi që tashmë ai së bashku me gruan e tij Corinnën janë transferuar në Spanjë, në një vilë në ishullin e Majorkës.
“Gruaja e tij e ka kthyer shtëpinë në një spital dhe vetëm tre njërez mund ti bëjnë vizita dhe unë e di se kush janë.”
Njëri prej tyre është sigurisht Jean Todt ish-menaxheri i përgjithshëm i ekipit Maranello i cili u shpreh së fundmi: “Ai është në luftë me jetën, ne vetëm mund të qëndrojmë pranë tij.”
