Vijon të shënojë rritje numri i personave të infektuar me koronavirus në Itali. Këtë të Martë, bilanci i viktimave dhe rasteve të reja u përkeqësua, krahasuar me një ditë më parë.
Të dhënat zyrtare të Ministrisë së Shëndetësisë italiane, informojnë me dije se në 24 orët e fundit, nga 90 mijë testime të kryera, kanë rezultuar të prekur me Covid 1648 persona.
Gjithashtu raportohen 24 viktima.
Që nga nisja e pandemisë, vendi fqinj numëron mbi 313 mijë të infektuar dhe 35.875 viktima.
Situata më e rënduar në ditën e fundit ishte në Campania, ndërkohë që nuk kishte asnjë rajon pa raste të prekurish.
