Kryeministri Edi Rama, ka zhvilluar një vizitë jozyrtare dhe të paparalajmëruar në Mal të Zi, transmeton Vijesti me seli në Podgoricë.
Sipas të përditshmes malazeze, Rama u takua në një restorant në Tuz me Nikë Gjeloshaj, kryesuesi i Listës Shqiptare, i cili tashmë ka kaluar në opozitë, pas rezultatit të zgjedhjeve.
Gjeloshaj konfirmoi për “Vijesti” takimin me Ramën, por nuk deshi të japë detaje më shumë rreth asaj çfarë u diskutua.
“Po, ne u takuam sot dhe biseduam. Nuk mund t’ju them asgjë më shumë se kaq,” tha ai për mediat vendase.
Burimet e “Vijesti” pretendojnë se temë e takimit ishte procesi paszgjedhor dhe formimi i shumicës në Malin e Zi. Kujtojmë se kryeministri Rama ka mbështetur Milo Gjukanoviç dhe partinë e tij DPS në fushatën zgjedhore, parti e cila zbriti nga pushteti pas gati 30 vitesh.
