Është mbyllur pjesa e parë ndërmjet Hoffenheimit dhe Bayern Munchen, e vlefshme për javën e dytë të Bundesligës.
Vendasit udhëheqin me rezultatin 2-1 ndaj kampionëve, madje në një moment kryesonin me dy gola diferencë. Fillimisht, Hoffenheim ka gjetur golin e avantazhit në minutën e 16-të. Goditje këndi dhe realizim i Ermin Bicakcic. Mbrojtësi boshnjak shënoi me kokë, teksa Hoffenheim dyfishoi shifrat tetë minuta më vonë.
Zbritje e shpejtë e Munas Dabbur, sulmuesi izraelit i shkëputet mbrojtjes së kampionëve dhe realizon me “panenka”, duke detyruar Manuel Neuer të nxjerrë topin nga rrjeta për herë të dytë.
Ndërkohë për Bayern-in për të shkurtuar diferencat ka menduar Joshua Kimich në minutën e 36-të.
