Një ngjarje tronditëse ndodhi mbrëmë në Pogradec, ku një grua e identifikuar si Maria Zia Markovska, e cila u gjet e vdekur në banesë, ndërsa pranë saj ndodhej vajza 9-vjeçare.
E mitura u dërgua menjëherë në spital dhe mori shërbimin e nevojshëm mjekësor.
Shefi i këtij shërbimi, Behxhet Liçkollari, deklaroi se vajza kishte qenë e paushquer dhe se kishte mbërritur e dehidratuar mbrëmë rreth orës 23:00 në spital.
Ai tha:
Vajza është rehidruar, ushqyer dhe i janë marrë ekzaminimet laboratorike. Jemi në kontakt edhe me shërbimin social për plotësimin e ekzaminimeve të nevojshme për rastin në fjalë. Momentalisht, gjendja e të miturës është e stabilizuar.
45-vjeçarja e gjet e vdekur mbrëmë në banesën e saj, por mendohet se kishte të paktën tre ditë që kishte vdekur, ndërsa vajza e mitur me probleme me elipsinë qëndroi disa ditë pranë trupit të së ëmës. Ekspertiza mjeko-ligjore pritet të nxjerrë shkakun e vërtetë të vdekjes së gruas, ndërsa dyshimet e para bëjnë fjalë për një mbidozë ilaçesh.
