Moti i keq në fundjavë, Agjencia Kombëtare e Mbrojtjes Civile shkresë zyrtare 5 prefekturave në vend
Duke pasur parasysh motin e keq që pritet në fundjavë, Agjencia Kombëtare e Mbrojtjes Civile i ka dërguar një shkresë zyrtare 5 prefekturave në vend.
Sipas IGJEUM, në veri perendim dhe jug të vendit priten stuhi dhe reshje të mëdha shiu. Zonat që rrezikojnë të preken më shumë Shkodra, Dibra, Malësia e Madhe, Kruja.
“ Reshjet e shiut dhe stuhitë mund të bëhen shkak për përmbytje në disa prefektura në dy ditët në vijim,” parlajmëron AKMC.
Agjencia u bën apel prefekturave për masa të menjëhershme parandaluese dhe vënien në gatishmëri të strukturave operacionale
“Vlerësoni zonat më të rrezikuara nga përmbytja, merrni masa për popullsinë. Njoftoni popullsinë për rrezikun dhe planifikimin e masave reaguese në rast përmbytje.Pushteti vendor të përcaktojë vendet e pa rrezikuara për zhvendosjen e popullsisë në rast rreziku. Kaloni në gatishmëri të gjitha strukturat e pushtetit local. Forcave të Armatosura dhe Policisa Shtetit, në gatishmëri me kapacitetet e deklaruara për rastet e emergjencave,” njofton AKMC.
