“Djajtë e Kuq” do të vendosin në tryezë ofertën finale prej 90 milionë paund, për ta marrë ose hequr dorë nga anësori i talentuar anglez.
Thënë ndryshe, do të luhet gjithçka për gjithçka në këtë drejtim. Manchester United ka gati sulmin vendimtar për Jadon Sancho, duke parë se ditët po ikin dhe afati përmbyllës i merkatos së kësaj vere po afron. Kështu raporton sot “Daily Star”.
Borussia Dortmund e ka bërë të qartë se nuk ka ndërmend të ndahet nga ylli anglez, por klubi nga “Old Trafford” do të bëjë përpjekjen e fundit.
Ndërkohë, merret vesh se Chris Smalling është i irrituar me Manchester United për mos lejimin e tij që të largohet. Mbrojtësi ndërkombëtar i Anglisë është i etur të vazhdojë Romën, pasi e kaloiu atje sezonin 2019-2020 në formë huazimi.
