Dy të rinj janë vënë në pranga nga policia e Tiranës për armëmbajtje pa leje dhe moskallëzim krimi.
Në pikën e kontrollit të ngritur nga ana e Shqiponjave dhe Shigjetave, në vendin e quajtur “Rreth-rrotullimi i Farkës” u bë ndalimi i mjetit tip “Audi” që drejtohej nga shtetasi S.S. dhe kishte pasagjer shtetasi K.H. Gjatë kontrollit të ushtruar ndaj mjetit dhe këtyre shtetasve, në çantën e dorës të shtetasit K.H., shërbimet e Policisë gjetën një armë pistoletë dhe fishekë luftarak, njoftoi policia.
Në vijim të veprimeve gjatë kontrollit të banesës të shtetasit S.S., iu gjet dhe iu sekuestrua një sasi municioni luftarak, shtuan të njëjtat burime.
- K.H., 30 vjeç, u arrestua për veprën penale “Armëmbajtja pa leje”; Ndërsa S.S., 24 vjeç, u arrestua për veprat penale “Armëmbajtja pa leje” dhe “Moskallëzimi i krimit”.
