Vrasja e shqiptarit Selavdi Shehaj, 38 vjec, tipike mafioze, e cila po hetohet nga Antimafia e Romës, ka risjellë në fokusin e debatit publik rolin e kriminalitetit shqiptar në kryeqytetin italian, Romë.
Shumë herë, në raportet e Antimafias italiane, grupet kriminale shqiptare me veprim në Romë janë cilësuar ndër më të fuqishmet me lidhje e bashkëpunime të ngushta biznesi me mafien romane e degët e mafies kalabreze në kryeqytetin italian.
Vrasja e Selavdi Shehaj identike nga mënyra e ekzekutimit të pak muajve më parë të Fabrizio Piscitelli, kryeultrasi i tifozerisë laciale e ndër eksponentët e mafias romane, është analizuar nga shkrimtari dezident italian Roberto Saviano, që kriminalitetin shqiptar me veprim në Itali e ka pasur shpesh në fokusin e analizave të tij.
Në një shkrim të publikuar në të përditshmen italiane “La Reppublica”, ai thotë se “pas vrasjes së Piscitellit e kapjes e burgosjes së Carminatit, kreu të basndë së Magilanës, fuqia e kriminale e Romës ka kaluar në duart e familjeve shqiptare.”
“Ngjarja që ndodhi në plazh, në sytë e të gjithëve e pa asnjë përgjigje nga shoqëria civile apo një debat politik, është përgjigja se Roma me të gjitha efektet është një territor në duart e mafies”, shkruan ai.
“Fuqia e mafies autoktone romane ka kaluar në duart e familjeve mafioze shqiptare. Pas dhjetë vitesh me veprim në territor, ato janë shndërruar sot në mafien e re romane, e janë operativ e efikas pasi mbështeten në lidhjet familjare mes tyre”, shkruan Saviano.
Sipas tij “vrasja në Torvajanika ishte ndaj një djali me precedent penal për drogë e klanet e Tiranës e Shkodrës menaxhojnë drejtpërdrejtë aferat e shitjes së saj në tregjet romane, kontrollojnë ngarkesat e drogës e kanë një rol ndërmjetës të privilegjuar me klanet historikë ndraghetiste e ato kampane, të cilat i furnizojnë me marijuanë me çmime mjaft të mira duke mbajtur monopolin e këtij trafiku”.
Shkrimtari Roberto Saviano, thotë se priste një përgjigje politike nga një ngjarje e tillë, e vrasjes së një personi në mes të ditës, në sy të të gjithëve e në mes të plazhit.
“Por politika ka qenen e gabuar në këto vite”, shkruan ai. “Është përpjekur ta trajtojë mafien romane si një problem anësor, kur në fakt ajo është një pjesë qendrore e sektorit publik. Politika ka lejuar që këto fenomene të shihen si folkloristike, pasi këto grupe u sjellin një sërë votash në zgjedhjet administrative. E Roma është sot toka e mafies, ose më mirë toka e mafieve”, përfundon shkrimtari italian analizën e tij në të përditshmen La Repubblica.
/Ora News/
