Përfitoi miliona nga njohjet me meshkuj në Tinder, arrestohet mashtruesja e varur nga bixhozi

Australiania Jocelyn Zakhour është dënuar me 4 vite e gjysmë burg, pasi mashtroi duke zhvatur më shumë se $500 000 nga njohjet e reja në rrjetin Tinder, për të kënaqur varësinë e saj nga bizhozi.

Ajo fajësonte një nga viktimat, të cilit i kishte zhvatur më shumë se 700,000 dollarë australianë, se ishte shumë budalla që i besonte gënjeshtrat e saj. Ajo jetonte pranë kazinosë Crown Casino në Melbourne, dhe bindte të njohurit e saj të rinj t’i jepnin shuma të mëdha parash për fermën e saj të boronicave, duke përdorur si shantazhin ashtu dhe taktika më të buta zhvatjeje.

41-vjeçarja shpërtheu në lot në sallën e gjyqit në Victoria kur u dënua me katër vite e gjysmë burg, nga të cilat dy vjet e tetë muaj pa të drejtë lirie me kusht.

Zakhour i kishte premtuar viktimës së saj të parë të mashtrimit një fitim prej 300 përqind para se ai t’i dorëzonte 723,700 dollarë.

Për të vijuar të kërkonte para, ajo i thoshte më tej se ferma e saj e boronicave ishte lidhur me prodhim ilegal cigaresh prandaj ai duhet të paguante pasi nuk e bënin ajo kërcënonte se do t’i lëndonte familjen.

E akuzuara i kishte dërguar viktimës së saj të parë 240 email-e, duke kërcënuar ish-gruan e tij, fëmijët dhe nënën, para se burri nisi të merrte para borxh për të vijuar pagesat ndaj saj.