Një qytetar i Kucovës, baba i tre fëmijëve ‘u ngujua’ për disa minuta brenda makinës së tij, i lyer me benzinë duke kërcënuar se do t’i vinte flakën vetes.
Spiro Suli alarmoi gjithë qytetin, ndërsa deklaronte se do t’i vinte flakën vetes pasi bashkia nuk i kishte dhënë leje për të tregtuar.
Sipas raportimeve, Suli disponon një licencë të tregtimit me pakicë të fruta perimeve, por kohët e fundit Bashkia e Kucovës e ka lejuar të ushtrojë aktivitetin e tregtisë. Në gjendje të rënduar psikologjike burri lyeu makinën me benzinë dhe qëndroi për minuta të tëra përpara bashkisë. “Nuk kam me cfarë t’i ushqej fëmijët, s’kam cfarë t’u jap”, deklaronte ai.
Është dashur ndërhyrja e policisë dhe forcave zjarrfikëse që burri të largohet nga mjeti. Më pas ai është pritur në një takim nga përfaqësues të bashkisë për zgjidhjen e problemit.
