Sërish drogë në Vlorë, pranga biznesmenit, në hetim 10 punëtorët

Rreth 300 bimë narkotike kanabis sativa të thara janë zbuluar nga Policia e Vlorës në një stallë si dhe 2 kg e 100 gram, të llojit marijuanë.

Në pranga është vënë një biznesmen, pronari i objektit, ndërsa nën hetim janë vënë 10 persona të tjerë që ishin punëtorë.

Në pranga është vënë Erion Dëma, 32 vjeç, banues në fshatin Bunavi, Vlorë.

Policia e Vlorës, në bazë të informacioneve të siguruara në rrugë operative se ky shtetas dispononte lëndë narkotike në një objekt, që e përdorte si stallë, menjëherë kanë shkuar efektivët e policisë dhe kanë ushtruar kontroll në objektin e këtij shtetasi në fshatin Bunavi të Vlorës.

LEXO EDHE  Arrestohen dy persona të shpallur në kërkim/ Emrat

Nga kontrolli i ushtruar janë gjetur rreth 300 bimësh të thara dhe 2 kg e 100 gr, e llojit Marijuanë (në një stallë ngjitur me banesën e tij).

Policia ka arrestuar në flagrancë pronarin e objektit shtetasin Erion Dëma për veprën penale “Prodhimi dhe shitja e narkotikëve”. Gjithashtu, në këtë stallë janë gjetur edhe 10 persona të tjerë, në statusin e “punëtorëve” për të cilët policia ka filluar procedimin penal për “Moskallëzim krimi”.

PËRGJIGJU

Please enter your comment!
Please enter your name here