Telashe në horizont për sulmuesin uruguajan, Luis Suarez. Mediat në Itali bëjnë me dije se për të marrë nënshtetësinë e italiane, 33-vjeçari ka mashtruar në provimin e gjuhës.
Guardia di Finanza kreu një kontroll në universitet, duke gjetur disa parregullsi në provimin e kryer nga sulmuesi i Barcelonës.
Në fakt, nga hetimet doli se pyetjet dhe pikët ishin rakorduar para se të zhvillohej realisht provimi.
Kjo do të thotë se planet e Suarezit për të ardhmen “italiane” po ndërlikohen. Për momentin, nuk është ende e qartë se si do të evoluojë situata pas zhvillimeve të fundit dhe kontrolleve nga Guardia di Finanza, por me siguri çështja do të ketë pasoja të mëtejshme për sulmuesin “blaugrana”.
Lojtari dhe Universiteti i Perugias duhet të japin llogari për këtë mashtrim.
