Idriz Batha ka lënë pas dëmtimin që pësoi në finalen e Superkupës së Shqipërisë përballë Teutës.
Mesfushori la fushën e lojës pas një goditje të rëndë, por tashmë çdo gjë i përket të shkuarës.
Batha është rikuperuar plotësisht e tani po stërvitet normalisht me pjesën tjetër të skuadrës. Një gjë të tillë e ka bërë të ditur edhe vetë lojtari me një postim në rrjetet sociale.
“Më në fund” shkruan Batha në postimin e tij. Në ndeshjet e luajtura në Europë, mesfushori është graduar kapiten duke parë që Gent Muça nuk ka luajtur si titullar. Batha do jetë gati për sfidën ndaj Young Boys që do të luhet më datë 1 tetor në Zvicër e vlefshme për “Play off” e Europa League.
