Një tjetër krim i rëndë ka ndodhur në Durrës ditën e sotme. Pas vrasjes së mbrëmjes së djeshme, një tjetër person është vrarë sot.
Bëhet fjalë për Idajet Dullën, i cili është gjetur i vrarë me thikë pasditen e sotme në Durrës.
Njoftimi i Policisë:
Më datë 19.09.2020, rreth orës 15:55, në Urgjencën e Spitalit Durrës ka mbërritur i dëmtuar me mjet prerës (thikë,), shtetasi I.D., 34 vjeç, banues në Durrës, i cili si pasojë i plagëve të marra, ka ndërruar jetë.
Grupi hetimor ndodhet në vendngjarje dhe po punon për zbardhjen e ngjarjes.
