Gjashtë refugjatë afganë u kapen nga policia në zonën e quajtur “Enkelana” në Pogradec. Dy familje me 3 fëmijë, 2 prej familjeve minorenë kishin udhëtuar në këmbë nga kampi në Greqi drejt Korçës dhe nga Korça në Pogradec.
Ata janë shprehur se kishin ecur pre 7-8 ditësh për të mbërritur deri në Pogradec.
Mes lotësh një vajzë e re tha se: nuk jam terroriste. “Nuk dua para. Nuk dua ushqim, dua të shkoj në një vend më të mirë ku të shkollohem. Ne nuk jemi terroristë”, tha ajo.
Njëra prej vajzave adoleshente kërkonte të ikte në Tiranë tek nëna e saj.
Ata u shprehën se po tentojnë të ikin në një vend më të mirë drejt BE.
Refugjatët u morën nga policia kufitare dhe u transportuan drejt Korçës për procedura të mëtejshme.
