Teuta e mbylli aventurën e saj në Europë ditën e djeshme, teksa u mposhtën nga Granada 4-0 në fazën e dytë të ndeshjeve play-off.
Por pavarësisht performancës negative ndaj spanjollëve, skuadra durrsake, në Europë ka siguruar 500 mijë euro.
Për pjesëmarrjen në turin e parë të Europa Ligës, durrsakët kanë përfituar 240 mijë euro. Përballë në këtë tur Teuta kishte Beitar Jeruzalemin. Skuadra durrsake e kaloi me sukses duke triumfuar pastër 2-0.
Për turin e dytë, Teutës shorti i rezervoi një skuadër të La Ligës. Vetëm nga pjesëmarrja në këtë tur, Teuta shtoi në arkat e saj edhe 260 mijë euro të tjera.
Në total, nga UEFA, Teuta për pjesëmarrjen në Europë ka përfituar 500 mijë euro.
