Bebe Rexha ka zbuluar se është në një lidhje por pa i zbuluar identitetin partnerit të saj.
Këngëtarja me origjinë shqiptare e ka mbajtur jetën e saj private larg vëmendjes së mediave dhe vetëm tani vendosi të zbulojë detaje të reja. 31-vjeçarja postoi një foto krah të dashurit të saj misterioz në ditën e tij të lindjes dhe i mbuloi fytyrën me një emoji zemre.
“Gëzuar ditëlindjen zemër,”- shkroi këngëtarja krahas fotos romantike.
Dy muaj më parë, Bebe Rexha u fotografua në krahët e partnerit të saj në rrugët e Los Angeles.
Daily Mail e identifikoi mashkullin misterioz në krahët e saj si kinematografi dhe producenti Keyan Safyari. Dhe data e lindjes së Keyan Safyarit përkon me datën që Bebe Rexha e uroi për ditëlindje.
