Rudina Hajdari, anëtare e Këshillit Politik, akuzoi opozitën e bashkuar se po kërkon të bllokojë implementimin në Kodin Zgjedhor të ndryshimeve Kushtetuese që lejojnë listat e hapura.
Hajdari tha se kërkesa për tiu drejtuar ODIHR lidhur me koalicionet thjesht është një shkak që kërkon të gjejë opozita për të bllokuar procesin.
“Pse nuk pranoi PD-LSI kërkesën time për t’iu drejtuar ODIHR lidhur me sistemin elektoral. Atëherë pse e kërkon sot asistencën e ODIHR?
E refuzuan kërkesën e ODIHR për të depolitizuar administraën zgjedhore, ndërsa sot thonë hajde t’i drejtohemi ODIHR. Mendoj se është një lojë për të bllokuar procesin”, tha Hajdari.
Ajo u shpreh se ndryshimet garantojnë një garë reale, pa koalicione, dhe nuk favorizojnë Edi Ramën.
“Si mund të thuhet se sistemi favorizon Edi Ramën apo ai del forcë e parë, kur ne i numërojmë dështimet? Shqiptarët nuk e meritojnë këtë realitet”, tha Hajdari.
