Deputetja Rudina Hajdari tha mbrëmjen e sotme në emisionin “Open” se problemi nuk është ikja e Edi Ramës, por kush do të vijë pas tij.
“Dilema është se ai që do të vijë pas Ramës do të sillet ndryshe apo si Kryeministri aktual. Kush do të vijë pas Ramës e kanë në dorë shqiptarët, jo ata që dalin në televizor, apo ata që kërkojnë 800 mijë vota”, tha Hajdari.
Sipas Hajdarit, kjo dilemë duhet të zgjidhet nga shqiptarët, që do të vendosin me votë nëse Rama do të marrë mandatin e tretë, apo do të ketë ndryshim.
“Problemi mbetet pikërisht dilema kush do të vijë pas Edi Ramës”, tha Hajdari.
