Aktori Jude Law na paralajmëroi për një pandemi, si kjo që po përjetojmë tani, kur ai po xhironte filmin “Contagion” (Infektimi), me historinë e një virusi vdekjeprurës dhe tashmë asi është një nga filmat më të parë.
I ftuar në emisionin Jimmy Fallon, ai u shpreh se nuk ka nevojë të shihet filmi, por vetëm të shihni lajmet.
“Më duket pak e çuditshme që të gjithë u kthyen për të parë filmin, në mes të asaj që po ndodhte vërtet. Ju mjafton të ndizni lajmet, nuk keni nevojë të shihni filmin.”
Law tha se ishte i përgatitur për këtë pandemi, që prej 10 vitesh, pra, që prej publikimit të filmit.
“Nëse jam i sinqertë, një nga kujtimet ose përvojat më ndikuese në atë film ishin mjekët dhe virologët që po na këshillonin,” tha ai. Ata të gjithë shpreheshin se ideja e filmit është një histori “kur” dhe jo “nëse” do të ndodhë.”
