Në orën 16:00 në “Niko Dovana” starton ndeshja midis Teutës dhe Granadës e vlefshme për playoffet e Europa League.
Ndërkohë trajnerët e të dyjave skuadrave kanë publikuar dhe formacionet zyrtare. Trajneri Edi Martini i ka besuar “çelësat” e mesfushës ish-futbollistit të Tiranës dhe Skënderbeut Asion Daja, i cili do të debutojë ndaj spanjollëve.
Pjesa tjetër e skuadrës mbetet thuajse e pandryshuar, me përjashtim të Beqjas, që merr vendin e Todorovskit të dëmtuar. Sulmuesi Blerim Krasniqi do të mbështetet nga krahët me Emiljano dhe Lorenco Vilën.
Në krahun e andaluzianëve, trajneri Diego Martinez ka hedhur në sulm ish-futbollistin e Real Madridit dhe Valencias, veteranin Roberto Soldado.
Formacionet zyrtare:
Teuta: Frashëri, Kuro, Arapi, Hoxha, Beqja, Avdyli, Aleksi, Daja, E.Vila, L.Vila, Krasniqi. Trajner: Edi Martini.
Granada: Silva, Diaz, Sançez, Duarte, Neva, Montoro, Gonalo, Puertas, Herrera, Kenedi, Soldado. Trajner: Diego Martinez.
