Reperja amerikane Cardi B ka vendosur të divorcohet nga bashkëshorti, Offset, pas tre viteve martese. 27-vjeçarja, e njohur për këngët me tema të fokusuara tek seksi, paratë dhe fuqizimi i femrave, si dhe për stilin e saj lirik, ka paraqitur kërkesën për ndarje në Gjykatën Superiore të Shtetit të Gjeorgjisë. Seanca e parë, sipas Gjykatës është vendosur të mbahet më 4 nëntor. Ndërsa përfaqësuesit ligjorë të artistëve nuk pranuan të bëjnë komente mbi arsyet që e kanë çuar çiftin drejt ndarjes.
Cardi B, emri i vërtetë i të cilës është Belcalis Marlenis Almánzar dhe muzikanti Offset, emri i vërtetë i të cilit është Kiari Kendrell Cephus, u martuan në mënyrë të fshehtë në 2017. Një vit më pas erdhi në jetë vajza e tyre, Kulture. Por martesa e tyre ishte e vështirë, me ndarje dhe thashetheme për tradhti dhe ribashkime.
Divorci i çifit vjen në një moment kur karriera e Cardi B, po njeh rritje të madhe, pas publikimit të këngës së saj “ËAP”, në bashkëpunim me Megan Thee Stallion. Hiti I saj I fundit qendron në krye të listës “Billboard Hot 100” tre javësh.
