Alban Beltoja, mjek shqiptar në Itali, tha se deri sa të kemi një vaksinë efikase ne do të bashkëjetojmë me virusin.
Ai tha se në kushte të tilla qytetarët duhet të mbajnë maskën në ambientet e mbyllura, apo aty ku nuk respektohet distanca, duhet të shmangin grumbullimet si dhe të mbajnë higjenën personale.
Në emisionin Arena, Beltoja tha se një nga pasojat e Covid-19 janë vetëvrasjet apo tentativat për vetëvrasje, veçanërisht te pacientët që vuajnë nga probleme psiqike, ose kurohen për probleme të tilla.
“Në Itali kemi pasur raste mjekësh që kanë tentuar të vetëvriten, pasi mendonin se ishin kthyer në përhapës të infeksionit.
Madje mund të them se sot ka njerëz që nuk dalin nga shtëpia nga frika e virusit”, tha Beltoja.
