“Edi Rama eksporton propagandën jashtë Shqipërisë”, shkruan ish-deputeti i PD-së, Genc Pollo, ndërsa thekson se i dështuar me video montazhe në Tiranë, Rama duket si cirk lëvizës që herë buzëqesh me çajin përpara në Turqi dhe herë pozon si lider global në Athinë.
Reagimi i ish-deputetit ka lidhje me vizitën e kryeministrit Edi Rama në Greqi.
“Propagandë e vetëm propagandë edhe kur kalon kufijtë e Shqipërisë. Pas deshtimit me video montazhe ne vend i gënjen mendja se njësoj siç ndërtoi projekte imagjinare me 3D për të fshehur dështimin e qeverisjes, do të ndërtojë edhe arritje imagjinare diplomatike.
Askush nuk i ka harruar premtimet dhe zotimet e tij që e bëjnë qesharak përpara e Europës që gjithnjë e më shumë e ka mbyllur në kafazin e harresës”, shkruan Pollo.
Në vijim, ai thotë se varfëria, kriza ekonomike dhe mungesa e një plani konkret për përballimin e pandemisë janë e vërteta që dhemb dhe qe rendon ne kurrizin e shqiptarëve.
“Këto nuk i zgjidhin dot shëtitjet dhe e farfuritjet diplomatike të Edi Ramës”, shkruan Pollo.
